اسرائیل اور بحرین کے درمیان تاریخی امن معاہدہ
اسرائیل اور بحرین کے درمیان تاریخی امن معاہدہ
واشنگٹن،12ستمبر(یواین آئی) اسرائیل اور بحرین نے سفارتی تعلقات کو پوری طرح سے بحال کرنے کیلئے ایک تاریخی امن سمجھوتے کو منظوری دی ہے۔ امریکی صدر ڈونلڈ ٹرمپ نے گزشتہ روز ایک ٹوئٹ کے ذریعہ یہ جانکاری دی۔
بحرین نے متحدہ عرب امارات کے نقش قدم پر چلتے ہوئے اسرائیل سے سفارتی تعلقات بحال کرنے کا اعلان کردیا ہے۔ امریکی صدر نے اسے تاریخی دن قرار دیتے ہوئے کہا کہ اسرائیل اور بحرین صحیح معنوں میں سفارتی اور تجارتی تعلقات قائم کر رہے ہیں۔
انہوں نے وائٹ ہاؤس میں صحافیوں سے گفتگو کرتے ہوئے کہا کہ یہ سفارتخانوں اور سفارتکاروں کا تبادلہ کریں گے، دونوں ممالک کے درمیان براہ راست پروازوں کا آغاز ہو گا اور تعلیم، صحت، کاروبار، ٹیکنالوجی، سیکیورٹی اور زراعت سمیت مختلف شعبوں میں تعاون کا آغاز کریں گے۔
بحرین نے مشترکہ بیان میں کہا کہ انہوں نے آئندہ منگل کو وائٹ ہاؤس میں ہونے والی تقریب میں اسرائیل سے باضابطہ طور پر تعلقات کی بحالی کا فیصلہ کیا ہے جہاں متحدہ عرب امارات بھی اسی تقریب میں اپنے معاہدے پر دستخط کرے گا۔
بیان کے مطابق بحرین کے بادشاہ حماد بن عیسیٰ الخلیفہ، اسرائیلی وزیر اعظم بنجامن نیتن یاہو اور ڈونلڈ ٹرمپ نے اس نئی پیش رفت کے اعلان سے قبل جمعہ کو بات کی تھی۔
بحرین نے کہا کہ فون کال کے دوران بادشاہ نے دو ریاستی حل اور بین الاقوامی قراردادوں کے تحت اسٹریٹیجک آپشن کے طور پر وسیع ترامن تک رسائی کی ضرورت پر زور دیا۔
.
US President Joe Biden said on Monday that what is happening in Gaza is not…
The US on Monday addressed a recently published news report describing the Muslim community in…
Sri Lankan Foreign Minister Ali Sabry expressed his country's keenness to join the BRICS grouping…
The Islamabad High Court on Monday heard a petition demanding the safe recovery of the…
Following the tragic demise of Iranian President Ebrahim Raisi and Iran's Foreign Minister Amir-Abdollahian, the…
The Gujarat Anti-Terrorism Squad (ATS) arrested four Islamic State (ISIS) terrorists from the Ahmedabad airport…